ក្រុមចោបីនាក់ធ្វើសកម្មភាពឆក់ការបូបពីស្ត្រីជាគ្រូបង្រៀននោះពេលនេះសមត្ថិកិច្ចចាប់បានម្នាក់ហើយ

ស្តីពីករណីលួចមានស្ថានទម្ងន់ទោស (ឆក់កាបូបស្ពាយយកទ្រព្យសម្បត្តិ) កាលពីថ្ងៃទី២៣ ខែកុម្ភៈ ឆ្នាំ២០២២ វេលាម៉ោង១៤និ១០នាទី ត្រង់ចំណុចខាងមុខមណ្ឌលសុខភាពគងនយ ផ្លូវ១០៤ ស្ថិតនៅភូមិគងនយ សង្កាត់គងនយ ខណ្ឌដង្កោ រាជធានីភ្នំពេញ។

 ជនរងគ្រោះឈ្មោះ ប៉ូ ប៉ែនម៉ានីន ភេទស្រី អាយុ២៤ឆ្នាំ ជនជាតិខ្មែរ មុខរបរ គ្រូបង្រៀន ទីលំនៅភូមិត្រពាំងសំរិត សង្កាត់គងនយ ខណ្ឌដង្កោ រាជធានីភ្នំពេញ ។

 ឃាត់ខ្លួនជនសង្ស័យម្នាក់ឈ្មោះ រស់ ចាន់ណា ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិមាត់បឹង ឃុំទ្រា ស្រុកកណ្តាលស្ទឹង ខេត្តកណ្តាល ។

 វត្ថុតាងចាប់យក៖ ១/កាបូបស្ពាយពណ៌ត្រេអីចំនួន០១, ២/ទូរស័ព្ទដៃម៉ាក Iphone x ពណ៌សចំនួន០១គ្រឿង, ៣/សៀវភៅ០២ក្បាល, ៤/កាតចាក់វ៉ាក់សាំងចំនួន០១, ៥/អត្តសញ្ញាណប័ណ្ណសញ្ជាតិខ្មែរ ចំនួន០១, ៦/កាតធនាគារអេស៊ីលីដាចំនួន០២សន្លឹក, ៧/សម្ភារៈបង្រៀនសិស្សមួយចំនួន ។

 ហេតុការណ៍៖ កាលពីថ្ងៃទី២៣ ខែកុម្ភៈ ឆ្នាំ២០២២ វេលាម៉ោង១៤និង១០នាទី ជនរងគ្រោះឈ្មោះ  ប៉ូ ប៉ែនម៉ានីន ភេទស្រី អាយុ២៤ឆ្នាំ បានជិះម៉ូតូម៉ាកហ្សូម័រ ពណ៌ទឹកក្រូច ពាក់ផ្លាកលេខភ្នំពេញ1GG-3546 ម្នាក់ឯងចេញពីបង្រៀនកួរតាមផ្ទះស្ថិតនៅភូមិថ្មី សង្កាត់ទៀន ខណ្ឌដង្កោ រាជធានីភ្នំពេញ ត្រឡប់ទៅផ្ទះស្ថិតនៅភូមិត្រពាំងសំរិត សង្កាត់គងនយ ខណ្ឌដង្កោ រាជធានីភ្នំពេញ ដោយស្ពាយកាបូបពណ៌ត្រេអ៊ីនៅស្មាខាងឆ្វេង ដែលក្នុងកាបូបនោះមានសម្ភារៈដូចជា ១/ទូរស័ព្ទដៃម៉ាក Iphone x ពណ៌សចំនួន០១គ្រឿង, ២/សៀវភៅ០២ក្បាល, ៣/កាតចាក់វ៉ាក់សាំងចំនួន០១, ៤/អត្តសញ្ញាណប័ណ្ណសញ្ជាតិខ្មែរ ចំនួន០១, ៥/កាតធនាគារអេស៊ីលីដាចំនួន០២សន្លឹក, ៦/សម្ភារៈបង្រៀនសិស្សមួយចំនួន ។ ពេលជនរងគ្រោះបើកម៉ូតូតាមផ្លូវ១០៤ ពីកើតទៅលិច ដល់ចំណុចខាងមុខមណ្ឌលសុខភាពគងនយ ស្ថិតនៅភូមិគងនយ សង្កាត់គងនយ ខណ្ឌដង្កោ រាជធានីភ្នំពេញ  ក៏ស្រាប់តែមានជនសង្ស័យចំនួន០៣នាក់ ទី០១ឈ្មោះ រស់ ចាន់ណា ភេទប្រុស អាយុ៣១ឆ្នាំ ទី០២ឈ្មោះ នាង វណ្ណេត ភេទប្រុស អាយុ២៧ឆ្នាំ ទី០៣ឈ្មោះ ទូច រដ្ឋមុន្នី ភេទប្រុស អាយុ២៥ឆ្នាំ បានជិះម៉ូតូម៉ាកហុងដាសេ១២៥ ពណ៌ខ្មៅ សេរីឆ្នាំ២០២១ មិនស្គាល់ផ្លាកលេខ បានធ្វើសកម្មភាពឆក់កាបូបស្ពាយរបស់ជនរងគ្រោះបានសម្រេចហើយជិះគេចខ្លួនបាត់ ហើយជនរងគ្រោះក៏បានមករាយការណ៍ប្រាប់សមត្ថកិច្ច ប៉ុស្តិ៍នគរបាលរដ្ឋបាលគងនយឱ្យជួយអន្តរាគមន៍ ។ បន្ទាប់មកនៅវេលាម៉ោង១៧និង៣០នាទី ថ្ងៃខែឆ្នាំដដែល សមត្ថកិច្ចយើងក៏បានធ្វើការស្រាវជ្រាវឃាត់ខ្លួនជនសង្ស័យបានម្នាក់ឈ្មោះ រស់ ចាន់ណា រួមនិងវត្ថុតាង ១/ទូរស័ព្ទដៃម៉ាក Iphone x ពណ៌សចំនួន០១គ្រឿង, ២/សៀវភៅ០២ក្បាល, ៣/កាតចាក់វ៉ាក់សាំងចំនួន០១, ៤/អត្តសញ្ញាណប័ណ្ណសញ្ជាតិខ្មែរ ចំនួន០១, ៥/កាតធនាគារអេស៊ីលីដាចំនួន០២សន្លឹក, ៦/សម្ភារៈបង្រៀនសិស្សមួយចំនួន របស់ជនរងគ្រោះ ត្រង់ចំណុចភូមិគោកព្រីង ឃុំគោកត្រប់ ស្រុកកណ្តាលស្ទឹង ខេត្តកណ្តាល យកមកធ្វើការសាកសួរនៅប៉ុស្តិ៍នគរបាលដ្ឋបាលគងនយតាមនីតិវិធីច្បាប់ ចំណែកជនសង្ស័យ០២នាក់ទៀត បានរត់គេចខ្លួនបាត់ ។ផាន់ណា រាយការណ៌ព័ត៌មាន