លោក សូ រតនៈ ប្រធានប្រតិបត្តិក្រុមយុវជនការពារសន្តិភាពបានដឹកនាំក្រុមការងារទៅទទួលអំណោយដែលជាទឹកចិត្តសប្បុរសពីលោក ឈុន សារិន អគ្គនាយកក្រុមហ៊ុនទឹកស្អាត អង្កាញ់គ្រុប

តាកែវ៖ នៅព្រឹកថ្ងៃទី១៨ ខែមីនា ឆ្នាំ២០២២ លោក សូ រតនៈ ប្រធានប្រតិបត្តិក្រុមយុវជនការពារសន្តិភាព និងលោកស្រី ប៊ី ហ្សែននី អមដំណើរដោយលោក ផន សុភីរៈ អគ្គលេខាធិការរងក្រុមយុវជនការពារសន្តិភាព លោកស្រី កាន ផល្លា អគ្គហេរញ្ញឹករងក្រុមយុវជនការពារសន្តិភាព បានដឹកនាំក្រុមការងារ ក្រុមយុវជនការពារសន្តិភាពខេត្តតាកែវ មានការចូលរួមពីក្រុមយុវជនការពារសន្តិភាព អនុសាខាស្រុកព្រៃកប្បាស និងស្រុកត្រាំកក់ ទៅទទួលអំណោយដែលជាទឹកចិត្តសប្បុរសពីលោក ឈុន សារិន អគ្គនាយកក្រុមហ៊ុនទឹកស្អាត អង្កាញ់គ្រុប និងភរិយា ស្ថិតក្នុងឃុំអង្កាញ់ ស្រុកព្រៃកប្បាស ខេត្តតាកែវ។

សម្រាប់អំណោយដែលក្រុមយុវជនការពារសន្តិភាពទទួលបានពីសប្បុរសជនខាងលើ ដើម្បីយកទៅធ្វើការងារមនុស្សធម៌ ជួយប្រជាពលរដ្ឋខ្វះខាត មានដូចជា៖ 

- អង្ករ១០បេ ស្មើនឹង៥០០គីឡូរក្រាម

- មី ១០កេះ

- ទឹកត្រី ១០យួរ

- ទឹកស៊ីអ៉ីវ១០យួរ។

ថ្លែងក្នុងពិធីជំនួបនៃការប្រគល់ និងទទួលអំណោយខាងលើ លោក ឈិន សារិន អគ្គនាយកក្រុមហ៊ុនទឹកស្អាត អង្កាញ់គ្រុប បានកោតសរសើ និងបានគាំទ្រពេញទំហឹងចំពោះសកម្មភាពការងារសង្គមរបស់ក្រុមយុវជនការពារសន្តិភាព ដែលដឹកនាំដោយលោក សូ រតនៈ ប្រធានប្រតិបត្តិក្រុមយវជនការពារសន្តិភាព ដោយជារឿយៗ លោកតែងតែឃើញសកម្មភាពរបស់ក្រុមយុវជនការពារសន្តិភាព ចុះជួយដល់បងប្អូនប្រជាពលរដ្ឋខ្វះខាតដោយពិតប្រាដកគ្រប់ទីកន្លែង ទីណាមានប្រជាពលរដ្ឋខ្វះខាត ឬពិកា ទីនោះតែងតែមានវត្តមានក្រុមយុវជនការពារសន្តិភាពជានិច្ច ដូច្នេះហើយ ទើបលោក និងក្រុមគ្រួសារ បានជួយឧបត្ថម្ភគ្រឿងឧបភោគ បរិភោគជូនចំពោះក្រុមយុវជនការពារសន្តិភាព ដើម្បីបន្តជួយដល់ប្រជាពលរដ្ឋខ្វះខាត និងសង្គមបន្ថែមទៀត។ 

លោកសូ រតនៈ  ប្រធានប្រតិបត្តិក្រុមយុវយុវជនការពារសន្តិភាព និងក្រុមការងារ បានសម្តែងនូវក្តីស្វាគមន៍រីករាយចំពោះការចូលរួមចំណែក ការងារមនុស្សធម៌របស់លោក ឈុន សារិន អគ្គនាយកក្រុមហ៊ុន ទឹកស្អាត អង្កាញ់គ្រុប និង ភរិយា តាមរយៈក្រុមយុវជនការពារសន្តិភាព ដើម្បីយកទៅធ្វើសកម្មភាពចុះចែកជូនប្រជាពលរដ្ឋខ្វះខាត។ 

ក្រុមយុវជនការពារសន្តិភាព បានថ្លែងអំណរគុណ និងជូនពរចំពោះលោកអគ្គនាយកក្រុមហ៊ុនទឹកស្អាត អង្កាញ់គ្រុប និងភរិយា ព្រមទាំងក្រុមគ្រួសារ សូមជួបប្រទះនូវពុទ្ធពរទាំង៤ប្រការ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។