លោក យស់ ពៅ នាយកវិទ្យាល័យស្វាយរៀង បើកកិច្ចប្រជុំជាមួយសិស្សានុសិស្សសិស្សមធ្យមសិក្សាទុតិយភូមិ ដើម្បីបង្កើនការផ្សព្វផ្សាយចំនេះដឹង និងប្រលងជ្រើសរើសសិស្សឆ្នើមប្រចាំសាលា

 លោក យស់ ពៅ នាយកវិទ្យាល័យស្វាយរៀង បើកកិច្ចប្រជុំជាមួយសិស្សានុសិស្សសិស្សមធ្យមសិក្សាទុតិយភូមិ ដើម្បីបង្កើនការផ្សព្វផ្សាយចំនេះដឹង និងប្រលងជ្រើសរើសសិស្សឆ្នើមប្រចាំសាលា

ស្វាយរៀង÷នៅព្រឹកថ្ងៃសៅរិ៍ ៣កើត ខែផល្គុន ឆ្នាំឆ្លូវ ត្រីសក្ក ព.ស.២៥៦៥ត្រូវនិងថ្ងៃទី០៥ ខែមិនា ឆ្នាំ២០២២ នេះ លោក យស់ ពៅ នាយកវិទ្យាល័យស្វាយរៀង បានបើកកិច្ចប្រជុំជាមួយសិស្សានុសិស្សសិស្សមធ្យមសិក្សាទុតិយភូមិ ដើម្បីបង្កើនការផ្សព្វផ្សាយចំនេះដឹង និងបទបញ្ជាផ្ទៃក្នុងសាលា បញ្ហាអនាម័យបរិស្ថាន ច្បាប់ចរាចរណ៍ គ្រឿងញៀន សុខភាពសិក្សា ព្រមទាំងធ្វើការប្រលងជ្រើសរើសសិស្សឆ្នើមប្រចាំវិទ្យាល័យស្វាយរៀងក្នុងបរិបទជំងឺកូវីដ-១៩

ក្នុងឱកាសនោះក៏មានការចូលរួមពីសំណាក់លោកនាយករង លោកគ្រូអ្នកគ្រូ សិស្សានុសិស្សមធ្យមសិក្សាទុតិយភូមិវិទ្យាល័យស្វាយរៀង ដោយតំរូវអោយសិស្សភ្ជាប់នៅសៀវភៅ១ក្បាលនិងប៊ិចមួយដើមក្នុងការប្រលងយកសិស្សឆ្នើមប្រចាំសាលា

ឆ្លៀតក្នុងឱកាសនោះ លោក យស់ ពៅ នាយកវិទ្យាល័យស្វាយរៀង ក៍បានរំលឹកដល់កូនៗក្មួយៗ សិស្សានុសិស្សទាំងអស់ត្រូវខិតខំរៀនសូត្រ និងប្រឹងប្រែងសាងនូវអ្វីដែលសុច្ចរិតពិតប្រាកដ របស់កូនក្មួយអោយបានល្អ ត្រូវចេះជួយខ្លួនឯង ត្រូវចេះជួយក្រុមគ្រួសារ ត្រូវចេះជួយសង្គមជាតិយើងអោយបានល្អ ព្រោះកូន ក្មួយជាទាំពាំងស្នងឫស្សីដែលប្រទេសជាតិយើងត្រូវការជាចាំបាច់។

លោក នាយក បានបន្តទៀតថា សូមអោយឪពុកម្ដាយគ្រប់ៗរូបត្រូវបន្តអប់រំប្រៀនប្រដៅបន្ថែមទៀត ដើម្បីឱ្យកូនៗរបស់ខ្លួនជៀសផុតនៅពាក្យ កុំទាំង៤យ៉ាងនេះគឺ៖

ទី១-កុំចាំកូនសេពគ្រឿងញៀន

ទី២-កុំចាំកូនក្លាយជាបងតូចបងធំ

ទី៣-កុំចាំកូនភ្លើតភ្លើននឹងសម្ភារនិយមខុសរបៀប
ទី៤-កុំចាំកូនធ្លាក់ខ្លួនចូលក្នុងល្បែង ស្រី ស្រា និងស្នេហាភ្លើតភ្លើនខុសរបៀប។

ជាមួយគ្នានោះលោកនាយកក៏បានក្រើនរំលឹកដល់កូនក្មួយជាសិស្សានុសិស្សត្រូវបន្តការអនុវត្តវិធានការបង្ការ និងទប់ស្កាត់ការឆ្លងរីករាលដាលនៃជំងឺកូវីដ-១៩  ស្របតាមវិធានការណែនាំរបស់ប្រមុខរាជរដ្ឋាភិបាល ក៍ដូចក្រសួងសុខាភិបាលនៅ ៣កុំ ៣កាពារ និងត្រូវបន្តគោរពច្បាប់ចរាចរណ៍ផ្លូវគោកទាំងអស់គ្នានិងចូលរួមទប់ស្កាត់ការជួញដូរ និងមិនប្រើប្រាស់គ្រឿងញៀនជាដាច់ខាត៕ដោយ អ៊ឹម សារិទ្ធ រាយការណ៌ចេញពីខេត្តស្វាយរៀង