Honda Waveមូយគ្រឿងត្រូវបានជនសង្ស័យកាច់ករយកទៅបាត់ខណះដែលម្ចាស់ម៉ូតូចូលទៅក្នុងផ្សារប៉េសេក្នុងសង្កាត់បឹងទំពន់ទី២ ខណ្ឌមានជ័យ

Honda Waveមូយគ្រឿងត្រូវបានជនសង្ស័យកាច់ករយកទៅបាត់ខណះដែលម្ចាស់ម៉ូតូចូលទៅក្នុងផ្សារប៉េសេក្នុងសង្កាត់បឹងទំពន់ទី២ ខណ្ឌមានជ័យ

ភ្នំពេញ÷ ជនសង្ស័យម្នាក់ធ្វើសកម្មភាពលួចម៉ូតូHonda Wave ពណ៌ខ្មៅពាក់ស្លាកលេខភ្នំពេញ1-FE-3470 របស់ស្ត្រីជនរងគ្រោះម្នាក់ខណៈដែលគាត់បានចូលផ្សារ ដើម្បីទិញគ្រឿងឧបភោគបរិភោគយកទៅបាត់ដោយសុវត្ថិភាព មិនរំខានដល់សមត្ថកិច្ចនគរបាលប៉ុស្តិ៍រដ្ឋបាលបឹងទំពន់ ២ក៏ដូចកម្លាំងនគរបាលនៃអធិការដ្ថាននគរបាលខណ្ឌមានជ័យសោះឡើយ  ករណីនេះបានកើតឡើងកាលពីវេលាម៉ោង ៩ព្រឹកថ្ងៃទី ១ខែមិនាឆ្នាំ២០២២នៅផ្សារប៉េសេស្ថិតនៅក្នុងក្រុមទី ៣ភូមិត្នោតជ្រុំ ២ សង្កាត់បឹងទំពុនទី ២ ខណ្ឌមានជ័យ រាជធានីភ្នំពេញ។

ប្រភពព័ត៌មានពីកន្លែងកើតបានអោយដឹងថា មុនពេលកើតហេតុគេបានឃើញប្អូនស្រីឈ្មោះ លន់ ស្រីមុំ អាយុប្រហែល២០ឆ្នាំជាងស្នាក់នៅក្រុម៥ ផ្លូវ៨៧បេតេ ភូមិត្នោតជ្រុំ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ បានជិះម៉ូតូមួយគ្រឿងម៉ាក Honda Wave ពាក់ស្លាកលេខភ្នំពេញ1-FE 3479មកឈប់នៅត្រង់ចំនុចច្រកចេញចូលខាងជើងផ្សាប៉េសេ បំណងចូលទៅទិញគ្រឿងឧបភោគបរិភោគ ស្រាប់តែចូលទៅក្នុងផ្សារមិនទាន់បានប៉ុន្មាននាទីផង ចេញមកវិញក៍រកម៉ូតូមិនឃើញបង្ករអោយមានការភ្ញាក់ផ្អើលដល់បងប្អូនប្រជាពលរដ្ឋ ក៍ដូចជាអជ្ញាធរមានសមត្ថិកិច្ចចុះធ្វើការពិនិត្យ និង ស្រាវជ្រាវនៅហេតុការខាងលើដោយភិនភាគជនសង្ស័យស្លៀកខោខូវប៊ូយនិងអាវយឺតពណ៌ខ្មៅ។

បន្ទាប់ពីសមត្ថិកិច្ចធ្វើការចុះពិនិត្យនៅកន្លែងកើតហេតុរួច ជនរងគ្រោះក៍បានទៅដាក់ពាក្យបណ្តឹងនៅប៉ុស្តិ៍រដ្ឋបាលបឹងទំពន់ទី2 ដើម្បីស្វែងរកមុខជនសង្ស័យដែលបានកាច់កម៉ូតូយកមកផ្តន្ទាទោសតាមផ្លូវច្បាប់៕រាយការដោយ កោះនរាហ៍02